На многу луѓе им е многу тешко да користат дигитална тастатура со контролер. Без разлика дали се работи за стриминг или гејминг, буквите бавно се наоѓаат и избираат, што е многу фрустрирачко, но Microsoft се обидува да ја олесни оваа ситуација.
Microsoft подготви нова тастатура за Windows 11, која се користи со контролер и треба да овозможи полесна употреба. На пример, копчето X може да се користи за отстранување на претходниот знак, копчето Y функционира за создавање празно место, а menu се користи за Enter.
Овие кратенки треба да го забрзаат целиот процес. Microsoft вели дека ги подредиле копчињата на тастатурата вертикално за полесно користење.
Microsoft прв пат објави дека ја тестира оваа технологија уште во септември минатата година. Сега е достапен во верзијата за преглед на издавање на Windows 11, па може да се тестира во следните неколку недели. Тастатурата треба да заштеди многу време и да спречи фрустрации.
