Microsoft ги повика корисниците веднаш да го ажурираат Windows, откако беше откриена грешка оперативниот систем, пишува CNN.
Проблемот настана откако истражувачите од компанијата за сајбер безбедност Sangfor Technologies ненамерно објавија детални упатства како да се искористи грешката PrintNightmare во рамките на услугата Windows Print Spooler. Патем, услугата Windows Print Spooler, им овозможува на повеќе корисници пристап до истиот печатач.
Експертите на крајот на мај објавија дека ја пронашле грешката и го пријавиле во Microsoft . Иако веднаш ги отстранија упатствата, исите веќе беа објавени и на други страници, вклучително и на GitHub.
Microsoft одговори со соопштение во кое се наведува дека хакерите, користејќи ја грешката, можат да преземат контрола над компјутерот, да избришат и инсталираат датотеки и да додадат нови кориснички профили со целосни кориснички права, што ќе им даде голема контрола врз компјутерот и може да предизвика сериозна штета.
Microsoft ги повика сите корисници на Windows 7 и 10 веднаш да ги ажурираат своите компјутери преку Windows Update, за решавање на потенцијално сериозен проблем.
Наскоро се очекуваат ажурирања за Windows Server 2016, Windows 10 верзија 1607 и Windows Server 2012, се вели во соопштението.