Иако се многу корисни во различни ситуации, носењето на заштитни ракавици во продавница не е баш препорачлива работа, смета микробиологот Кели Рејнолдс.
„Носењето ракавици во продавница би можело да направи повеќе штета отколку корист“, истакна Рејнолдс.
Таа објаснува дека вирусот подолго се задржува на латекс отколку на кожа, па поради тоа полесно се пренесува на лице преку ракавици.
„Луѓето се опуштаат кога носат ракавици, тие им даваат лажно чувство на сигурност, па тогаш поретко мијат раце. Тоа може да биде погубно. Алармантен е и фактот дека многумина еден пар ракавици го користат повеќе пати, што го прави проблемот поголем“, вели Рејнолдс. „Сепак, ако ги носете, немојте да го допирате лицето. Освен тоа многу е важно да научите да ги соблекувате ракавиците по употреба на правилниот начин“, додава таа.
Според Рејнолдс, истражувањата покажале дека дури 30 проценти од здравствените работници не ги отстрануваат ракавиците на правилен начин.
„Замислете, тоа се луѓе кои учеле како правилно да го прават тоа, за разлика од големиот број луѓе кои не знаат за тоа“, вели Рејнолдс.
Здравствените работници носат ракавици затоа што на рацете им се многу кратко време и наменети се за точно одредена задача.
„Носат ракавици за да ги заштитат своите пациенти. Кога ги носат не допираат други предмети ни површини. Штом завршат со пациентот ги соблекуваат, ги мијат рацете и ја напуштаат просторијата“, вели микробиологот.
Таа советува по секое купување добро да ги измиете рацете со сапун и вода за да спречите ширење на инфекции.