Моделот со ограничено производство наречен Milivié 1 е моделот на Volkswagen Beetle restomod, кој е комбинација на легендарниот оригинал и модерни карактеристики.
Milivié има намера да произведе 22 restomod примероци, од кои секој ќе чини 570.000 евра. Гледајќи го Milivié 1, јасно е дека компанијата направи големи промени во дизајнот во споредба со оригиналната „Буба“, некои детали се инспирирани од моделите на Porsche со воздушно ладење, вклучувајќи нос кој потсетува на 356. Автомобилот доби тркалезни LED фарови, и има и дополнителни кои се поблиску до браникот.
Задниот дел е спојлер во форма на клун од патка кој е фиксиран на хаубата, додека задните светла се во форма на потковица.
Променет е и ентериерот, но сепак е едноставен. Пред возачот има екран од 12,3 инчи кој претставува инструмент-табла, има и екран за инфозабавниот систем, а се заокружени само со еден раб. Постојат неколку режими на екранот, вклучително и аналоген приказ на инструментите. Патниците имаат неколку начини за полнење на уредите, вклучувајќи безжично, 220-волтно, USB и USB-C.
За производство на Milivié 1, компанијата користи донаторски модел на моделот VW Beetle 1303. Овој модел се појави во раните 70-ти и беше поголем од оригиналниот Beetle.
Автомобилот беше целосно расклопен, по што следуваа неколку илјади часа работа за да се заврши трансформацијата и да се добие посакуваната креација. Автомобилот доби, меѓу другото, нова суспензија, предни и задни диск сопирачки, 2,28-литарски четирицилиндричен мотор со воздушно ладење, два Weber карбуратори и електронско палење.
Моторот е поврзан со четиристепен автоматски менувач ZF преку кој силата се пренесува на задните тркала. Достапни се три режими, Drive, Sports и Manual. Моќноста на моторот не е откриена.
Производството е ограничено на 22 примероци бидејќи оригиналната „Буба“ е произведена во 22 милиони примероци. Milivié ќе работи со клиентите за да го прилагоди секој автомобил на сопственикот. Испораките започнуваат во јули 2023 година, а последниот автомобил ќе биде испорачан во мај 2025 година.