Екипата на Милвоки Бакс ноќеска загуби од Атланта со 116 : 113 во првиот меч од финалето на Источната конференција. Бакс го доживеа првиот пораз на домашен терен оваа година во плејофот.
Милвоки претходно двапати победи во својата арена со Мајами, а потоа освои три победи во серијата со Бруклин.
Од друга страна, Атланта заврши како петта во регуларниот дел од сезоната и сите три серии ги започнаа на гостински терен. Хоукс во 2021 година во плејофот на гостински терен имаат рекордни 6 : 2 во победи.
– Напорно работевме за да можеме да победиме на гости. Му реков на тимот за тоа. Тие се создадени за тоа, изјави тренерот на Хоукс, Нејт Мекмилан.
