Во петтиот натпревар од финалната серија кошаркарите на Милвоки Бакс успеаја да победат на гостувањето кај Феникс Санс и да дојдат на само една победа до пехарот.
Кошаркарите на Милвоки Бакс ја постигнаа третата победа во петтиот натпревар од НБА финалето против Феникс Санс со резултат 119:123, со што стигнаа до чекор до освојување на шампионската титула.
Феникс многу подобро го отвори натпреварот и на самиот почеток дојде до двоцифрена предност (16:26), а одличната игра во првата четвртина ја крунисаа со убедливо водство од 21:37.
Сепак, на Милвоки му беа потребни само четири минути за да ја анулира предноста на Феникс во втората четвртина, набргу потоа тие поведоа, а резултатот на полувреме беше 64:61 за Бакс.
Потоа Милвоки ја презеде контролата над играта и резултатот, во финишот на третата четвртина стигна до двоцифрена предност, но Феникс повторно успеа да се врати и да направи драма во финишот. На крајот, сепак, кошаркарите на Милвоки беа оние кои имаа повеќе среќа, знаење и концентрација, па ја остварија третата победа во петтиот натпревар од финалето на НБА и сега имаат предност од 3-2, односно една победа ги дели од титулата.
Најефикасен на натпреварот беше Девин Букер кој постигна 40 поени со 4 скока и 3 асистенции, додека во победничкиот тим се истакна Јанис Адетокумбо со 32 поена, 9 скока и 6 асистенции. Го издвојуваме и настапот на Крис Мидлтон кој постигна 29 поени. Дабл-дабл на овој натпревар постигнаа Џру Холидеј кај Милвоки со 27 поени и 13 асистенции, а кај Феникс тоа им успеа на Крис Пол со 21 поен и 11 асистенции и на Бахамецот Диандре Ејтон со 20 поени и 10 скока.
Следниот натпревар се игра во „Фајсерв Форам“ арената во Милвоки ноќта вторник према среда, а доколку Бакс победи, тогаш тие и официјално ќе станат нови шампиони на НБА. Ако, пак, до победата дојдат „Сонцата“, тогаш ќе се игра мајсторка, односно седмиот натпревар ќе го одличи шампионот.
