На повидок е корона-кластер од квалификацискиот двомеч помеѓу Македонија и Данска откако четворица ракометари веќе се позитивни на COVID-19.
Македонскиот репрезентативец Филип Миркуловски, кој истовремено е и помошник тренер на играч-селекторот Кире Лазаров, е позитивен на коронавирусот откако бил тестиран во Германија по враќањето од репрезенттаивните обврски. Ова го потврди неговиот клуб Вецлар.
„Филип Миркуловски излезе позитивен на тестирањето за SARS-CoV-2 по што играчот на Вецлар ќе паузира барем две недели“, објави клубот напоменувајќи и дека по враќањето Мaкедонецот немал контакт со никој во клубот.
Filip Mirkulovski ist positiv auf SARS-CoV-2 getestet worden und wird den #WetzlarerJungs mindestens zwei Wochen fehlen....
Posted by HSG Wetzlar on Wednesday, March 17, 2021
Претходно во редовите на Данска тројца ракометари излегоа позитивни по враќањето во своите клубови. Се работи се Јакоб Холм, Ласе Мелер и Ханс Линдберг. Тројцата исто така играат во Германија.