Комисијата за избор на ново државно знаме избра два од петте финални предлози помеѓу кои потоа ќе изберат ново знаме кои граѓаните на референдум ќе треба да го одобрат.
Сите пет предлог дизајни беа истакнати на зградата на стариот Капитол, а синоќа комисијата елиминираше три, оставајќи два во финале.
На 2 септември Комисијата уште еднаш ќе се состане да одбере помеѓу преостанатите два предлога.
Но, нејзиниот избор нема да биде конечен бидејќи потоа на 3 ноември жителите на оваа сојузна држава на референдум ќе треба да го прифатат или одбијат поредлогот за ново знаме.
И две финални знамиња имаат голема ѕвезда до дијамант на средината кои ги претставува домородните Американци кои живеат во Мисисипи. Две, исто така, го имаат слоганот „In God We Trust“ (Веруваме во Бог) кој се наоѓа и на доларите и кој всушност беше задолжителен.
Едниот предлог е на темносина позадина на средината со штит со црвено-бело-сини линии кој всушност го претставува државниот амблем од 1798 година.
Вториот предлог на средината има расцветана магнолија, националниот свет, а околу него се 20 мали ѕвезди кои го претставуваат тоа што Мисисипи станала 20-тата сојузна држава во 1817 година.
Властите на Мисисипи во јуни одлучија да го променат сојузното државно знаме усвоено уште во 1894 година бидејќи го содржи симболот на Конфедеративните членки на Америка, односно непризнатата држава која ја изгубила Граѓанската војна каде била позната како Југот. Токму Југот се залагал за продолжување на ропството, а доминирала расната дискриминација во која белците биле примарната раса.
