Турските власти го истражуваат појавувањето на мистериозен монолит во југоисточниот дел на земјата.
Металниот блок го пронашол локален фармер во петокот во провинцијата Шанл'урфа. На него стои натпис на старотурски јазик кој се користел од 7 до 3 век. Преводот на натписот, кој е напишан со старотурско писмо, е „Погледни во небото, види ја Месечината“.
Монолитот висок 3 метри е откриен блиску до познатиот археолошки локалитет Гобекли Тепе, прогласен за светско наследство од УНЕСКО кој датира од 10 век пред новата ера, постар и од Стоунхенџ.
Турските медиуми објавија дека полицијата прегледувала снимки барајќи доказ за возила кои го донеле монолитот на локацијата.
Неколку мистериозни монолити изминатите месеци се појавуваа во различни држави низ светот.