Јапонската компанија Mitsubishi Motors реши да ја замрзне испораката на своите модели за европскиот пазар. Продажбата и услугите, сепак, ќе продолжат, како што вели објава на нивната официјална интернет-страница.
Компанијата има загуби во второто тримесечје на 2020 година (1 април - 30 јуни), во вредност од 176 милијарди јени (околу 1,6 милијарди долари). Според познавачите, тоа се должи на намалените продажби поради коронавирусот.
Претходно Mitsubishi ја објави одлуката за затворање на својата компанија-ќерка Pajero Manufacturing во префектурата Гифу. Запирањето на погонот, што на паљзарот нуди 63.000 автомобили годишно, е планирано за првата половина на 2021 година.
Mitsubishi во 2016 година стана дел од когломератот Renault–Nissan, со цел да ги зголеми продажбите на светскиот пазар, што сепак, не се случи. Сега овој бренд планира нов среднорочен план за развој, кој предвидува скратување на производствените расходи за 935 милиони долари.