Луис Кинонес (25) беше ново име во светот на боксот кој борбата ја плати со живот.
Минатиот викенд, во натпревар во суперлесна категорија за титулата национален шампион, тој се пресмета со Хозе Муњоз (21), борец кој исто така беше непоразен до тој момент. Кинонес не само што првпат беше поразен, туку вчера, по пет дена во индуцирана кома, почина.
Колумбискиот боксер се струполил на подот по ударите кои ги добил од противникот во 8. рунда. Веднаш бил пренесен во болницата во Баранкила, каде што бил ставен во индуцирана кома, но за жал, немало помош, а на Муњоз официјално му била заведена нокаут победа.
Да потсетиме, ова не е прв случај на смрт на боксер оваа година. Слична трагедија се случи претходно во Јужна Африка. Пред неколку месеци, јужноафриканскиот боксер Симисо Бутелези (24) почина откако се здоби со повреди на мозокот на мечот во лесна категорија против неговиот сонародник Сифесихле Мнтунгва.
