Младите европски амбасадори ја поздравија финансиската помош од 80 милиони евра на ЕУ за земјава

По соопштувањето на веста дека Северна Македонија доби неповратна финансиска помош од 80 милиони евра за справување со последиците од глобалната економска и енергетска криза, нашите млади европски амбасадори го поздравија овој потег на Европската Унија. Платформата „Млади европски амбасадори“ е креативна мрежа на идни млади активисти од земјите од Западен Балкан, а дел од неа се и младите македонски активисти Иван Дургутов и Дамјан Златановски.

Во контекст на пакетот за финансиска помош во вредност од 80 милиони евра како поддршка во буџетот на Северна Македонија, младиот амбасадор Иван Дургутов вели дека обезбедената поддршка под слоганот „Енергијата нè поврзува“ е момент на заедништво, бидејќи ја истакнува можноста да обезбедиме повеќе наши сограѓани и домаќинства да си го ослободат дополнителниот товар од високите сметки за електрична енергија. Прашан за младинската визија околу приоритетите што треба да ги поставиме како држава на планот на енергетската политика, Дургутов вели:

„Би се фокусирал на тоа да се осигурам дека ќе нема ниту едно основно училиште што повеќе ќе се загрева нееколошки и енергетски неефикасно и ќе се потрудам да не постојат образовни објекти во земјава што сè уште ќе имаат ќумбиња како извор на топлина. Време е за крај на несоодветните инфраструктурни објекти и дотраените прозорци, врати, подови и оџаци“.

Имајќи предвид дека финансискиот пакет на Европската Унија е дел од континуираната поддршка на земјава во клучните инвестиции во енергетиката, младиот амбасадор Дамјан Златановски смета дека нашата земја, како земјата на сонцето, ветровите и геотермалните потенцијали, има кохерентна предност да стане „зелен енергетски хаб“ и модел за одржлив развој.

„Звучи како идила, но реализацијата е можна со давање на бусолата на младите, инвестирањето во нив и во иновативните технологии, заштитата на природните ресурси, поддршката на поединците и компаниите за користење извори на чиста енергија и заедничкото редуцирање на зависноста од фосилни горива“, вели тој.

И двајцата се согласни дека нашата земја треба да се угледа на поразвиените европски земји, како што се Словенија и скандинавските земји, во имплементирањето на стратегиите за енергетска независност и ефикасност. Но, велат дека е потребно и да се свртиме назад кон сопственото минато, менувајќи ги своите навики. Така, според нив, треба да научиме од нашите прабаби и прадедовци кои и без интернет, хаштази и еко-работилници знаеле да се грижат за животната средина.

реклама

Кардиолог споделува навика која го спречува создавањето на згрутчувања во крвта

Read more

Експертите ги избраа најдобрите половни автомобили

Read more

Кој е човекот кој денеска го мрази цела Хрватска: Ова не му е прв скандал

Read more

Голем неделен хороскоп од 24 до 30 јуни

Read more

Промо

Официјална премиера на целосно новиот Škoda Kodiaq

Read more

Моќта на брендингот: Само додај Coca-Cola и... уживај во магијата

Read more

Македонска премиера на целосно новиот Volkswagen Tiguan

Read more

Славиме заедно – 100 години Прилепска Пиварница

Read more
 

Ново

Трамп има план за крај на војната во Украина

Читај повеќе
  • play_arrow

Се преврте рингишпил во БиХ: Има повредени деца, родителите ги извлекувале со голи раце

Читај повеќе

Зошто мокрите костими за капење се најголемите непријатели на жените во лето?

Читај повеќе

Кој ќе може да добие бесплатен Netflix?

Читај повеќе
  • play_arrow

Зошто треба да одвоите 10 минути за јога на работното место?

Читај повеќе

Бугарски политичар: Опасна е насоката во која политичкото раководство ја турка Северна Македонија

Читај повеќе
  • filter

25 јуни 1876, Индијанците ја поразиле американската војска кај Литл Бигхорн

Читај повеќе
  • play_arrow

Почна изградбата на најдолгиот подводен тунел во светот

Читај повеќе
  • play_arrow

Пропагандистот на Путин ја нарече Србија „последна к*рва“

Читај повеќе