Млекото и јогуртот се намирници кои се најзастапени во нашите домови, но и оние кои често се фрлаат со оглед на нивниот краток рок на траење и лесното расипување, кое во случај на неоптимално чување на крајот доведува до оштетување на производот. Затоа, складирањето на правилен начин на овие прозводи заштедува пари, но и здрави навики против фрлање на храна.
Имено, многу луѓе најчесто во вратите од фрижидерите чуваат јогурт, но пред сѐ и млеко. Ова е доста лоша навика која им штети на овие производи. За време на денот фрижидерот многу пати се отвора, а тоа предизвикува топлотен удар поради потоплиот воздух (присутен вон уредот) кој влегува во фрижидерот (кој е со пониска температура).
Вратата од фрижидерот и храната која се чува во тој простор најмногу ја плаќаат цената на оваа температурна промена, која понекогаш може да биде и неколку степени Целзиусови. Температурната разлика ладно-топло е услов кој најмногу го нарушува квалитетот на свежите производи - како путер, млеко и јогург - поради што често мораме да ги фрламе и пред истекот на нивниот рок на траење, бидејќи веќе се расипале.
Идеална полица за овие производи е онаа на средината од фрижидерот: таму температурата останува горе-голу константна, што го чува квалитетот на „свежите“ производи. Но, бидете внимателни да не ги ставата на дното од фрижидерот: таму температурата е премногу ниска и ризикувате спротивен ефект, тоест замрзнување на вашето млеко.