Лука Модриќ решил да го напушти Реал Мадрид, откако добил неверојатна понуда од понуда од Саудиска Арабија, ексклузивно објави шпански Okdiario. За еден месец, Модриќ ќе биде слободен играч.
Капитенот на хрватската репрезентација доби понуда од 120 милиони евра за три сезони во Саудиска Арабија. Од друга страна, Реал на 37-годишниот играч за врска му нуди едногодишен договор наводно вреден 10 милиони евра.
„Драматичен пресврт. Модриќ најверојатно ќе се збогува со Реал и 'Сантјаго Бернабеу' в недела на натпреварот против Атлетик. Тој веќе го известил Реал дека има намера да замине. Делуваше дека ќе остане, но потоа Саудијците дојдоа со уште подобра понуда од порано и го натераа да го промени мислењето“, пишува новинарот Педро Антолинос.
„Реал веднаш по објавата на Модриќ започна преговори со Дани Себаљос и ќе се обиде да го задржи во клубот. И договорот на Себаљос истекува за еден месец. Пристигнува и Џуд Белингам, па ќе ја пополнат празнината што ќе настане по заминувањето на Модриќ.
Да потсетиме, претходно Кристијано Роналдо замина во Саудиска Арабија и го потпиша најголемиот договор во историјата на фудбалот. За две години ќе добие околу 400 милиони евра. Најверојатно по неговиот пат ќе тргне и соиграчот на Модриќ, Карим Бензема, на кого Саудијците му нудат иста сума како Роналдо.
Модриќ е во Реал од 2012 година. Со години беше еден од клучните играчи, но од клубот му порачаа порачаа дека следната сезона, доколку го продолжи договорот ќе има помала минутажа поради доаѓањето на Белингем.
