Никој од нас не може да се огради од негативноста на другите луѓе, таа секогаш ќе постои. Но, вие бирате колку ќе влијае на вашиот живот и како ќе реагирате на неа.
Луѓето се емотивни суштества и често критиката, осудата или навредите од другите луѓе може да ги доведе до очај и нишање на самодовербата. Конструктивната критика од блиска личност во која имате доверба треба да ја прифатите, но навредите во комуникацијата може да бидат непријатни. Личноста која ве навредува има само една мисија, да ве повреди.
Сигмунд Фројд велел дека силната личност никогаш не го презема товарот на туѓите изјави. Како всушност да се однесувате кон нечие лошо однесување и навреди? Не се расправајте, туку едноставно кажете „Да“ на која било претпоставка и тоа со мирен израз на лицето.
Моќта на мирното „Да“ е во состојба да го ослободи секој психолошки притисок бидејќи едноставно ја лишувате личноста од можноста да ве повреди со нешто и не се браните, докажувајќи го спротивното. Едноставно го обезвреднувате секој нејзин напад.
Покрај волшебното „да“, за да се заштитите од навреди важно е да ја развивате и вашата самопочит, да не дозволите вашиот мир да зависи од надворешни процени.
„Кога сите луѓе би се оценувале само себеси и не би се бавеле со вреднување на другите, грубоста би изумрела како феномен“, изјавил Фројд во една прилика.
Покрај овие начини, единствениот вистински начин да се заштитите од луѓето склони кон навреди е целосно да се дистанцирате од нив и да се дружите со луѓе кои ве сакаат и почитуваат.