Уште се живи емоциите од вчерашниот натпревар на македонската репрезентација на ЕУРО 2020 против Холандија.
Поразот на „рисовите“ сепак падна во сенка на монументалниот момент за репрезентацијата, но и за македонскиот фудбал воопшто – Горан Пандев по 122 настапи за репрезентацијата замина во пензија.
Гранде Пандев беше заменет во 68. минута, а соиграчите од македонскиот состав застанаа простум во формација шпалир, за да го испратат достојно во пензија великанот на македонскиот фудбал.
Многу емоции, многу задржани и подголтнати солзи, но и многу гордост имаше вчера крај аут линијата во „Јохан Кројф Арена“. Нашите фудбалери горди и емотивни, а целата публика на стадионот на нозе и со аплаузи го испратија Пандев.
Гоче доби овации и од неговиот поранешен соиграч од Интер, Весли Снајдер.
Пандев заклучно со вчерашниот меч го одиграа 122 натпревари во својата репрезентативна кариера во која постигна 38 голови.
Да се потсетиме на емотивниот момент:
