Камионите се значително потешки од патничките автомобили, но тие немаат многу шанси ниту против таква моќна природна сила како торнадо.
Снимките од кабината на камион го покажуваат моментот кога возилото ќе се најде на патот на торнадо што го погоди градот Хоршам во Пенсилванија.
Инцидентот се случи на почетокот на овој месец, а на видеото се гледа сета моќ на силата на природата кога ветерот и налетите на дожд одеднаш се засилуваат, што кулминира со превртување на камионот на страна. За среќа, се чини дека возачот не е повреден.
Видеото беше споделено и на Reddit, а некои корисници сугерираат дека возачот можел да се обиде да го спречи инцидентот со вртење на кабината на камионот в лево или в десно, така што камионот и неговата приколка ќе формираат форма на буквата L.
Меѓутоа, имајќи предвид дека правецот на ветрот брзо се промени и дека сѐ се случи многу брзо, тешко е да се каже дали таквиот маневар ќе имал некаков ефект.