Премиерот на Онтарио, Даг Форд, неочекувано стана интернет ѕвезда откако се појави снимка на која случајно проголта пчела.
Политичарот држеше говор на прес-конференција, на тема приватна медицинска нега, кога во устата неочекувано му влета пчела. На снимката објавена на интернет се гледа како пчелата лета околу устата на политичарот, а во еден момент му влета во устата.
Шокираниот Форд во тој момент се тргна од микрофонот и се обиде да ја извлече пчелата, но залудно.
„Штотуку проголтав пчела“, изјави тој додека пиеше вода. „Сигурен сум дека овој момент луѓето ќе го гледаат повторно и повторно. Леле, пчелата ми влезе во грлото“, изјави Форд.
Снимката стана хит на социјалните мрежи, а луѓето се шегуваат дека се напил вода како да испил лек, а не како да проголтал пчела.
