Роберт Ирвин, син на покојниот ловец на крокодили Стив Ирвин, сè повеќе наликува на својот татко. Снимајќи емисија за диви животни, младиот Роберт во еден момент беше неочекувано каснат од змија.
Видеото од настанот го објави на Instagram. Станува збор за спасен питон, а сцената е снимена пред питонот да биде вратен во дивина. Додека Роберт си игра со змијата, таа го гризна за лице.
„Откако го спасивме, овој дијамантски питон нè потсети на слична ситуација која пред неколку децении се случи во една документарна серија на ловецот на крокодили. Можеби тие всушност, на овој начин велат „благодарам“, напиша Роберт покрај видеото и сподели фотографија на која се споредени неговата повреда и повредата на татко му.
