Светската новинска агенција Reuters објави галерија со фотографии што, според изборот на уредниците, ја обележаа 2021 година.
Меѓу фотографиите што сведочат за бурната година што изминува, од пандемијата, до бегалската, економската и еколошката криза, се најдоа и две фотографии од светот на шоубизнисот, од кои едната е од настапот на Васил Гарванлиев на Евросонг 2021, а другата со актерот Даниел Крег, на црвениот тепих на премиерата на филмот ,,No Time To Die”.
„Претставникот на Северна Македонија, Васил, настапува на првата полуфинална вечер на Изборот за песна на Евровизија 2021 во Ротердам, Холандија, 18 мај, 2021 година“, стои во описот на фотографијата на Пирошка ван де Вув за Reuters, на која е овековечен моментот кога Васил буквално блесна на евровизиската сцена во одличната креација на костимографот Раде Василев.
Васил, кој ја претставуваше Северна Македонија на Евросонг со песната „Here I stand“, преку социјалните мрежи скромно се заблагодари што е дел од изборот на Reuters.
What a beautiful thing to wake up to. 🌍🇲🇰 One of my favorite moments of 2021 has been selected and captured as one of...
Posted by Vasil Garvanliev on Wednesday, December 1, 2021
Целосната галерија на Reuters можете да ја погледнете ТУКА.