Французинот Фабио Куартараро (Јамаха) беше најбрз на денешната трка од Светското првенство во мотоциклизам во елитната MотоГП класа на патеката Захсеринг во Германија.
Актуелниот светски првак до својата трета победа сезонава, а втор по ред, дојде пред сонародникот Јохан Зарко (Дукати) и Австралиецот Џек Милер (Дукати).
Со новата победа Куартараро ја зголеми и предноста во генералниот пласман.
Францускиот мотоциклист сега има 172 бодови, 34 повеќе од Шпанецот Алеш Еспаргаро (Априља), кој денеска беше четврти, додека трет во генералниот пласман е Зарко со 111 бодови.