Според пишувањата на американските медиуми, на Енди Мареј му беа украдени патиките и свадбениот прстен, врзан за една од врвките.
Британскиот тенисер откако се ожени во 2015 година свадбениот прстен кога настапува на турнирите, веројатно за да му донесе среќа, најчесто го чува врзан за врвките на патиките.
Мареј истото го направи и на Индијан Велс каде по тренингот се вратил во хотелската соба, но притоа ги оставил патиките да се проветрат пред влезната врата.
– За жал во собата немам тераса, па патиките, бидејќи беа влажни и испотени, морав да ги оставам пред вратата на хотелската соба за да се проветрат. Кога следниот пат погледав пред вратата ги немаше ниту патиките, ниту прстенот, изјави Мареј, кој веќе објави онлајн молба да му се помогне во потрагата по свадбениот прстен.
Подоцна тој објави дека патиките и прстенот му се вратени.
