Португалскиот стратег повторно е во центарот на вниманието откако на еден радио новинар му кажа искрено што мисли за него.
Жозе Мурињо имаше нова контроверзна средба со новинари откако за време на саботната прес-конференција сочно го нападна еден од присутните новинари.
Поранешниот предводник на Порто, Интер, Реал Мадрид, Челси, Манчестер Јунајтед и Тотенхем зборуваше за неделното гостување на неговата Рома кај Сампдорија кога влезе во конфликт со еден од присутните новинари.
Прашањето не беше воопшто контровезно, напротив, многу нормално. Новинарот праша дали играњето со двајца играчи зад напаѓачот Теми Ејбрахам може да стане стандард до крајот на сезоната, исто како и одбраната со тројца играчи.
„Откако те слушнав синоќа на радио очекував многу пожестоко прашање од тебе, многу покритичко, многу позлобно. Не очекував толку лесно прашање“, почна Мурињо одговарајќи му на новинарот кој очигледно претходно на својата радио емисија ја критикувал играта на Португалецот.
„Според тоа, заклучокот кој можам да го направам е дека на радио си екстра агресивен и злобен, ама кога доаѓаш тука пред мене малку така се се*еш од страв“, рече Мурињо без влакна на јазикот додека новинарот седеше на пресот пред него.
(контроверзниот дел почнува на 3:06)
Инаку, Рома потоа славеше со 1:0 кај Сампдорија и со поразот на Јуве до Дерби д'Италија сега е на 5 бода од последното место кое води во Лигата на шампионите.
Рома е во добра форма со 6 победи и 4 нерешени на последните 10 натпревари вклучувајќи и победа во градското дерби со Лацио.