Во свој стил, по загубеното дерби Жозе Мурињо удри по судиите.
Рома со 3:2 загуби на Дерби дела Капитале од лутиот градски ривал Лацио и го запиша вториот пораз сезонава. Римјаните губеа со 2:0 и 3:1 и ниту еднаш не успеаја да се вратат во игра за победата која толку ја посакуваа.
„Нажалост, фантастичниот натпревар го уништија судијата и ВАР, кои не беа на вистинското ниво за ваков натпревар“, вели Мурињо во изјава за DAZN.
„Вториот гол требаше да биде за 1:1, но беше за 2:0. Многу важно беше и тоа што не му беше даден втор жолт картон на Лукас Лејва. Мислам дека мојот тим беше подобар на теренот“, додаде тој.
Според Мурињо, интересниот натпревар богат со пет гола бил доминиран од неговиот состав, а судијата му помогнал на противникот да победи.
„Доминиравме, на Лацио му создадовме куп проблеми, а тие ја контролираа завршницата од натпреварот на начин на кој и сакаа, но и бидејќи судијата тоа им го дозволи“.
По шест кола во Серија А тимот на Мурињо има скор од 4 победи и 2 нерешени и со 12 бода е на делба на 4. место заедно со Фиорентина. Лидерот Наполи има максимални 18 бодови.
