Мусака со компири, месо и модар патлиџан се прелива со кисела павлака и се посипува со кашкавал што се топи при печењето.
Мусаката во грчки стил се прави со мешано мелено месо, компири и модар патлиџан. Не се прави бешамел сос, туку се користи павлака, па процесот на подготовка е многу пократок.
Потребни состојки:
- 4 компири со средна големина
- 3 лажици масло
- 1 црвен кромид
- 500 гр мешано мелено месо
- 2 чешниња лук
- 1 лажичка мешан сув зачин
- 500 гр доматно пире
- 2 модри патлиџани
- 300 мл кисела павлака
- 140 гр рендан кашкавал
Подготовка:
Варете ги компирите 20 минути. Исцедете ги и оставете ги да се изладат. Ставете ја тавата на оган и додадете 2 лажици масло и сечканиот кромид. Динстанјте додека не омекне, а потоа додадете мелено месо. Пржете го меленото месо 5 минути. Додадете исечкан лук и мешавина од суви зачини, а потоасипете го доматното пире и измешајте. Оставете да зоврие, па зачинете по вкус, тргнете го од оган и оставете го на страна.
Загрејте ја рерната на 220°C. Загрејте тава на силен оган и премачкајте ги модрите патлиџани исечени на парчиња со малку масло. Гответе на грил тава по 2-3 минути од секоја страна.
Кога доволно ќе се изладат, варените компири исечкајте ги на дебели кришки. Во основата на длабока тава ставете 1 лажица масло и започнете со слој компири, модар патлиџан, посипување зачини, па слој мешано мелено месо. Повторете додека не се потроши целата смеса, завршувајќи со слој од модар патлиџан. Одозгора намачкајте ја павлаката и посипете со кашкавал. Ставете во рерна 10 минути, или додека кашкавалот не порумени.
