Министерството за внатрешни работи денеска донесе одлука за разрешување на седум началници од Секторот за внатрешни работи (СВР) Штип и од Одделението за внатрешни работи (ОВР) Кочани. Со оваа одлука на министерот Панче Тошковски, разрешени се началникот на СВР Штип и неговиот помошник, потоа началникот на Одделението за полиција во Штип и началникот на Одделението за криминалистичка полиција во Штип.
Покрај началниците и неговиот помошник во ОВР Кочани, разрешени се командирот на Полициската станица од општа надлежност во Кочани и началникот на надворешна канцеларија за криминалистички работи во Кочани, објави SDK.MK.
Разрешувањата се случуваат два дена по катастрофалниот пожар во дискотеката „Пулс“ на 16 март, во која загинаа 59 лица главно од 14 до 25 години. Над 150 се повредени, од кои 76 се испратени на лекување во странство.
