На овогодишното натпреварување Мис Универзум, кое годинава се одржа во Њу Орлеанс, победи Американката Р'Бони Габриел од Тексас. Која е всушност оваа 28-годишна убавица која стана најстара мисица?
Р'Бони Габриел е родена во Сан Антонио, во сојузната држава Тексас, на 20 март 1994 година. Има три помлади браќа и е најстара од четририте деца на таткото Ремихио Бонзон Габриел, кој е Филипинец, и мајката Дејна Вокер, Американка. Татко ѝ се преселил во САД на 25 години за да докторира психологија на Универзитетот во Јужна Каролина. Оттаму и полемиката за нејзиното презиме: Американците ја велат Гејбриел, но вистинското презиме на татко ѝ е едноставно Габриел.
Била одбојкарка која подоцна се префрлила во модната индустрија откако кога имала 15 години го открила шиењето и се заљубила во создавањето работи од ткаенина и текстил. После средно училиште, Габриел дипломирала моден дизајн на Универзитетот Северен Тексас во 2018 година.
Потоа била во Њујорк на стажирање кај модната дизајнерка Никол Милер. Р'Бони последните три години ги минала работејќи за непрофитното дизајнерско студио Magpies & Peacocks, кое собира отпадни материјали и ги пренаменува во потполно нови колекции. Создала и своја дизајнерска марка со името R'Bonney Nola.
Се натпреварувала на изборот Мис Кема во 2020 година и се пласирала во најдобрите 5. Како Мис Харис Каунти учествувала на изборот за мис на Тексас во 2021.
Титулата мис на Тексас ја освоила во 2022 година, а потоа го претставувала родниот Тексас на Мис САД, како била крунисана за мисица на САД, и тоа прва со филипинско потекло.
Како Мис Универзум стана деветта Американка која победила на ова натпреварување.
