Француски ПСЖ испрати понуда до Интер за откуп на договорот на Мауро Икарди.
Аргентинецот од почетокот на сезоната е на позајмица во ПСЖ, а во договорот на 27-годишниот напаѓач има откупна клаузула од 70 милиони евра што е активна до 31 мај.
Парижаните сакаат да го задржат, но очигледно на Икарди му е падната цената. На Интер му испратија понуда од 60 милиони евра (50 би исплатиле веднаш, со 10 милиони во бонуси) и сега чекаат одговор.
Икарди за „Светците“ постигна 20 голови на 31 настап и одигра голема улога во освојувањето на новата титула.
Но, јасно е дека корона-кризата веќе почнува да се одразува на трансфер договорите, а Икарди веќе не вреди исто како претходно.