Вашиот сексуален живот може да замре поради многу причини. Можеби минувате низ крај на љубовната врска или едноставно заедно со партнерот минувате низ тежок период.
Па, тие неколку дена можат да се претворат во недели или месеци, пред да сфатите дека долго време сте без секс. За жал, браковите без секс се новото нормално. Сите од време на време минуваат низ сексуална криза.
Се покажа дека може да имате физиолошки реакции од недостиг на сексуални активности, односно ако предолго време немате секс, пишува Your Tango.
Како нередовниот секс влијае на психата и на телото?
Сексуалниот едукатор Кори Хоникман вели дека имунолошкиот систем ни слабее кога немаме редовен секс.
Може да станете понервозни бидејќи се намалува излачувањето на хормонот на задоволство, советува Хоникман. Ако немате секс, тоа станува стресно за организмот.
Мажите можат да имаат проблеми со еректилна дисфункција, односно прерана ејакулација, ако долго време немаат сексуален однос. Студија објавена во American Journal of Medicine покажа дека мажите кои имаат секс помалку од еднаш неделно имаат двојно поголема шанса за еректилна дисфункција од мажите кои имаат секс еднаш или двапати неделно.
Нема да сакате да имате секс, нема да копнеете по него. Вашето либидо ќе биде поинакво од вообичаено.
Ако сте во врска, може да станете несигурни во поглед на врската што ја имате со партнерот. Поради тоа, другите луѓе ќе ви изгледаат попривлечно.
Можеби ќе се чувствувате помалку привлечно и подепресивно. Оргазмите имаат бројни здравствени предности, вклучително и антидепресивно дејство.