Како се менува начинот на живот, така се поместуваат и границите за основање на семејство. Па така, многумина зборуваат за отчукување на биолошкиот часовник и ги спомнуваат годините до кои жената би требало да се оствари во улога на родител.
Дали воопшто постои вистинско време кога треба да забремените? Кого и да прашате, ќе ви даде различен одоговор.
Иако жените се најплодни во нивните дваесетти години, некои жени не се подготвени да бидат мајки ниту во триесеттите години. Баш поради овие причини, повеќето мајки се согласуваат со тоа дека не постои идеална возраст за да станете родители.
Оптималното време кога жената треба да остане бремена е кога е емоционално, ментално и финансиски подготвена, а тоа се разликува од жена до жена. Еве какви се искуствата на лекарите и мајките.
Пред 20 години
Овие години за повеќето жени не се идеални за да се остварат како мајки, но факт е дека жените во овие години се најплодни. Исто така ќе имате помал ризик од компликации во бременоста, како што се гестациски дијабетес и хипертензија. Финансиската нестабилност и проблемите кои доаѓаат со одгледувањето на дете се исто така проблем во овие години.
Помеѓу 20 – 29 години
Повеќето жени во овие години и понатаму се многу плодни, со 25% шанси да останат бремени секој месец. Финансиите и понатаму можат да бидат проблем бидејќи во овој период од животот најмалку заработуваат. Од медицински аспект, овој период е најдобар доколку планирате да станете мајка, бидејќи на крајот на краиштата може да се направи баланс со кариерата.
Помеѓу 30 – 35 години
Со наполнување на 30 години, плодноста се намалува, но не во голема мера.
Што се однесува на професијата, кога жената ќе забремени во своите рани триесетти, тоа ѝ овозможува да ужива во младите години, да ја истражува својата кариера и да се запознае себеси, а со повеќе животно искуство одлично ќе се оствари во улогата на мајка.
Помеѓу 35 – 40 години
По 35 години, плодноста на жената секој месец се намалува за 5 проценти. Во овој период се зголемуваат и здравствените проблеми како што се хипертензија, дијабетес во бременоста и ниво на хормонски дисбаланс.
