На Русите кои се приклучуваат на мобилизацијата во Украина им е забрането да носат паметни телефони поради безбедносниот ризик што тие го претставуваат, пишуваат руските медиуми.
Руската влада воспостави услуга, телефонска линија 122, за да одговара на прашања за приклучување кон мобилизацијата.
„Од безбедносни причини, употребата на паметни телефони е забранета на територијата на воените единици“, се вели во соопштението.
Војниците смеат да земат обичен мобилен телефон од постарата генерација, но и тој ќе се чува на одредено место и ќе се користи само во одредено време.
Ова е за да се спречи војниците да ја откријат нивната локација преку видео и слики, но и да се спречи ширење на видеа за ситуацијата во руската армија. Многумина кои се приклучуваат на мобилизацијата веќе снимаат делови од нивното патување, а потоа е релативно лесно да се геолокализираат.