Реал Мадрид загуби со 1:2 од Атлетик Билбао во полуфиналето од Суперкупот на Шпанија и со тоа остана без финале со Барселона.
Атлетик имаше предност од два гола пред полувремето, а Реал успеа да намали само со голот на Бензема до крајот. Тој го постигна откако Модриќ ја напушти играта во 67. минута. Потоа беше заменет со Феде Валверде.
Хрватскиот ас на Реал Мадрид, кој добиваше заслужени пофалби во последните месеци, одигра еден од најлошите натпревари за Реал оваа сезона, според најчитаниот шпански весник Marca.
Во извештајот од натпреварот, Marca го оцени Модриќ со минималната една ѕвезда, а во текстот во кој новинарите и посетителите на порталот на Marca заеднички го оценуваат учинокот на играчите, стои:
„На Реал му требаше брилијантниот Хрват, во неговото најдобро издание. Сепак, Модриќ беше далеку од тоа. Играше срамежливо, тивко и невидливо. Колку му значи Модриќ на Реал и колку страдаше тимот поради неговата слаба игра, најдобро се виде по половина час игра. Тогаш Модриќ на кратко живна и веднаш се разбуди цел Реал. Сепак, Модриќ брзо се врати во сивилото што го означи неговиот настап, па во 67. минута беше испратен да се истушира“.
Marca пишува дека Модриќ не се снајде во улогата што му ја додели Зидан:
„Тренерот на Реал се обиде со двоецот Бензема - Азар во напад, додека зад нив беа Асенсио лево и Модриќ од десната страна. Сепак, високиот притисок на Атлетик, раната предност и непрецизнооста на Реал во додавањата брзо го принудија да ја смени тактиката. Веќе во 18-та минута се врати на 4-3-3 со Азар лево и Асенсио десно во нападот, но и тоа не успеа“.