Скопје, 7 август 2022 (МИА) – Зголемен е интензитетот на сообраќај на патните правци надвор од градските средини. На Граничниот премин Табановце времето на чекање за за влез и излез од државата е околу еден час. На Граничниот премин Богородица времето на чекање за излез од државата е од 15 до 30 минути, информира Авто-мото сојузот на Македонија.
На останатите гранични премини, од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Сообраќајот на државните патишта се одвива непречено, по суви коловози.
