На убиецот на легендарниот музичар Џон Ленон, Марк Дејвид Чепмен, по 11-ти пат му е одбиено барањето за условно пуштање од затвор и ќе остане зад решетки уште најмалку две години, кога повторно ќе има право да бара условно ослободување.
Чепмен (65) издржува доживотен затвор откако на 8 декември 1980 година пред зградата Дакота во Њујорк со пиштол ја уби ѕвездата на популарниот англиски бенд „The Beatles“ од Ливерпул.
Управата за условно ослободување на сојузната држава Њујорк објави дека на Чепмен не му е одобрена условна казна по разговорот одржан на 19 август, а причината за одбивањето не е објавена.
