Ноќеска во НБА се одиграа пет натпревари, а Никола Јокиќ и Леброн Џејмс повторно беа во центарот на вниманието.
Асовите на Денвер Нагетс и Лос Анџелес Лејкерс забележаа трипл-дабл ефекти и со тоа ги одведоа своите тимови до победа.
Денвер ја декласираше Филаделфија 76ерс со 144:109, а Јокиќ за 30 минути на паркетот запиша 27 поени, 13 скокови и 10 асистенции.
Тоа беше 19-ти трипл-дабл сезонава за најдобриот светски кошаркар и четврти по ред. Она што е уште поинтересно е што на сите четири од тие последни натпревари, Србинот не играше во последната четвртина.
Лос Анџелес Лејкерс убедливо го совлада Вашингтон Визардс со 111:88, а Џејмс стигна до деветтиот трипл-дабл сезонава и 121-ви во кариерата со 21 поен, 13 скокови и 10 асистенции.
Ентони Дејвис беше одличен во редовите на Лејкерс со 29 поени и 16 скокови, додека Брони Џејмс продолжи со катастрофалните партии и седми натпревар по ред не постигна ниту еден поен.
Резултати:
Њујорк Никс - Бруклин Нетс 99:95
Мајами Хит - Портланд Треил Блејзерс 107:116
Торонто Репторс - Орландо Меџик 109:93
Денвер Нагетс - Филаделфија 76ерс 144:109
Лос Анџелес Лејкерс - Вашингтон Визардс 111:88
Табела:
