Началник на локалната полиција на подрачјето на Атланта, во сојузната држава Џорџија, е суспендиран и е под истрага затоа што на својот профил на Facebook објави дека не го поддржува движењето „Животите на црнците се важни“(Black lives matter).
Началникот Крис Баерс на својот профил на Facebook објави текст полн со контроверзни проценки и напади врз афроамериканската заедница.
Тој оцени дека со поддршка на движењето „Животите на црнците се важни“ се одобруваат убиствата на (американски) браќа и сестри.
Властите информираа дека по објавата на Баерс почнале прво да собираат податоци за него, а сега истрагата е „насочена на други прашања кои не се поврзани само со објавата на Facebook“.
