По Новак Ѓоковиќ, и Рафаел Надал се откажа од Мастерсот во Синсинати. Поради повредата на стапалото се откажа од турнирот во Канада, а ќе учествува на УС Опен само доколку се опорави.
Рафаел Надал имаше проблеми со повредата на стапалото уште од Ролан Гарос. Тогаш во полуфиналето изгуби од Новак Ѓоковиќ, а првиот меч го одигра дури во Вашингтон минатата недела. Не помина ниту во третото коло и изгуби од Лојд Херис.
Надал во вторникот беше принуден да се откаже од турнирот во Канада. Требаше да настапи во Торонто и повторно да игра со Лојд Херис но се откажа еден ден пред да излезе на теренот. Објави дека нема да игра ниту на Мастерсот во Синсинати кој почнува наредната недела.
