Ако вашите растенија почнале да венеат, ова решение ќе ги врати во живот. Наместо хемикалии, користете го овој домашен раствор и растенијата ќе растат како луди.
Нема некоја филозофија, ќе ви требаат едноставни состојки кои или веќе ги имате дома, или ќе ги најдете во секоја продавница.
Потребни состојки:
- кора од 1 банана
- 1 лажица мелено кафе
- лушпа од 1 јајце
- 300 мл вода
Подготовка:
Сите состојки ставете ги во блендер и изблендирајте ги. Со добиениот раствор наводнете ги вашите клапнати растенија, а резултатот ќе биде видлив веќе следниот ден.
Растворот можете да го истурите и во саксии со здрави домашни растенија, а тие ќе станат уште побујни и позелени. Ако сакате вашите цвеќиња секогаш да изгледаат здраво и неверојатно, истава постапка повремено повторувајте ја.
Бананите имаат калиум, фосфор и калциум и токму поради оваа причина позитивно делуваат на растенијата. Овие хранливи минерали се исклучително корисни за растенијата во процесот на обновување. Фосфорот во бананата помага и за добар раст на корените и новите изданоци.
Лушпите од јајце содржат преку 30% калциум. Приближно секоја лушпа обезбедува околу 4 милиграми калциум. Покрај калциум содржат и магнезиум, фосфор, калиум и натриум и околу 5% органска материја, што е од големо значење за квалитетот на почвата. Органската материја се наоѓа во мембраната која останува на обвивката во форма на протеин и е значаен извор на азот. Ако не ги миете лушпите од јајцата, содржината на органска материја може да биде поголема.
Советуваме и барем еднаш неделно да ги бришете растенијата со влажна крпа за да ја отстраните прашината и да им дозволите на растенијата лесно да дишат и преку листовите да примаат повеќе сонечва светлина.
