Иако пилешкото меса може да се послужи во скоро секое јадење, тоа не значи дека секогаш е и вкусно. Затоа е важно да го маринирате пилешкото пред готвење, за да бидете сигурни дека секое залче ќе биде вкусно, сочно и меко.
Готвачот Патрик Лебо од ресторанот Бамбара во Солт Лејк Сити за Eat This, Not That откри начини за маринирање кои функционираат подобро од другите. За маринада тој препорачува масло од семки од грозје, сол, сок од лимон и зеленчук како магдонос, копар и власец.
„Неутралниот вкус на маслото дозволува да доминираат вкусовите на зеленчукот и пилешкото има повисока точка на чадење така што маслото нема да загори пред пилешкото да се испече. Лимонот исто така помага во омекнување на пилешкото месо и му дава вкус“, истакнува тој.
Препорачува прво да измешате масло, сол и сок од лимон во сад пред да го исечкате зеленчукот и го измешате со останатите состојки.
„Исечете ги билките и добро измешајте ги состојките“, вели Лебо. Ако тоа резултира со маринада која е премногу густа за ваш вкус, тој препорачува едноставно решение. Може сите состојки да ги ставите во блендер за да нема грутки, советува тој.
Најдобриот начин да ги соедините пилешкото и маринадата е да ги ставите во пластична кеса со затворач. Пред да го маринирате пилешкото, внимавајте да биде на собна температура за да ги апсорбира состојките на маринадата.
