Чарлс Буковски е еден од најцитираните автори на кои ќе наидете на интернет. Можеби затоа што Буковски пишувал поезија и романи со брутално искрен стил за кој до денес се дискутира.
На денешен ден, 9 март се навршуваат 27 години од неговата смрт, па по тој повод ги одвоивме најдобрите цитати на еден од најдуховитите и најинтелигентни автори н 20 век.
1. „Интелектуалецот кажува едноставна работа на комплициран начин. Уметникот кажува комплицирана работа на едноставен начин“.
2. „Најди го тоа што го сакаш и пушти го да те убие“.
3. „Добрата жена ме плаши бидејќи евентуално ќе ја сака мојата душа, но тоа што остана од мојата душа сакам да си го зачувам“.
4. „Лошиот вкус создава повеќе милионери отколку добриот“.
5. „Го сакав целиот свет или ништо“.
6. „Поезијата е тоа што се случува кога нема нешто друго“.
7. „Слободната душа е реткост, но ќе ја препознаеш кога ќе ја видиш, особено затоа што покрај неа или во нејзина близина ќе се чувствуваш многу, многу добро“.
8. „Во мојата работа како писател, јас само го фотографирам во зборови тоа што го гледам“.
9. „Некои луѓе никогаш не полудуваат. Мора да имаат ужасни животи“.
10. „Пиеме кафе и се преправаме како да не гледаме еден во друг“.
11. „Секогаш се наоѓа некоја жена да те спаси од друга“.
12. „Јас сум гениј, но тоа никој не го знае освен мене“.
13. „Убавите мисли и убавите жени не траат долго“.
14. „Ако сакате нешто да направите, одете до крај. Во спротивно, не ни почнувајте“.
15. „Постојат и полоши нешта од самотијата“.