Бидејќи исхраната со малку јаглехидрати е во тренд, неправедно го запоставивме овошјето.
Да, некои овошја се богати со јаглехидрати и природни шеќери, но тоа не е причина да ги избегнувате.
Овошјето ве снабдува со здрави хранливи материи и антиоксиданси. Покрај тоа, избегнувањето на овошјето во исхраната може да го попречи слабеењето.
„Свежото овошје помага во намалувањето на салото на стомакот и ви помага да изгубите тежина бидејќи природно е нискокалорично, со голем волумен и има антиинфламаторни својства“, изјави за Eat This диететичарката Дејна Елис Ханс.
Иако секое овошје го смета за здраво, таа советува да се избегнува суво и преработено овошје. Јаболка, зрнесто овошје, грејпфрут, авокадо и лубеница се на нејзината листа на најдобри овошја за топење сало од стомакот.
„Воспалението го зголемува таложењето на маснотии во телото, особено во пределот на стомакот, додека антиинфламаторната храна, како што е овошјето, може да помогне во согорувањето на мастите во овие делови на телото. Затоа слободно јадете овошје“, советува таа.
