Сезоната на вишни започна, па не би било лошо да ги користите во разни десерти, а штом го видите зборот „лења“ во името на колачот, ќе знаете дека се работи за едноставна подготовка.
Мрзливата пита кај народот и натаму е популарна под југословенското име лења пита. Дали е мрзлива или лења, овој рецепт е дефинитивно уште „помрзлив“.
Она што го прави овој десерт уште полесен за подготовка е тоа што состојките се мерат во чаши, а во овој случај ќе ви треба чаша со волумен од 200 милилитри.
Потребни состојки:
- 4 јајца
- 2 кесички ванилин шеќер
- 2 кесички шеќер од лимон
- 2 чаши брашно
- 1 кесичка прашок за печиво
- 500 гр цреши
- 3/4 чаша масло
- 1 чаша цврст јогурт
- шеќер во прав
Подготовка:
Најпрво одвојте ги белките и жолчките во два сада. Потоа во садот со жолчките додајте обичен шеќер, ванилин и шеќер од лимон и матете со миксер додека смесата не се удвои во големина. Додадете масло, јогурт, брашно и прашок за печиво и убаво изматете.
Оставете ја смесата со жолчки настрана, а потоа изматете ги белките во крут снег, па внимателно додадете ја и измешајте ја со лажица додека не добиете изедначена смеса. Префрлете ја смесата во подмачкана и набрашнета тава за печење и додадете ги исчистените вишни.
Печете во загреана рерна на 180°C околу 30 минути. Кога малку ќе се олади посипете со шеќер во прав.
