Dacia на автосалонот во Брисел претстави специјално издание на моделот Spring.
Ја носи ознаката Extreme, што се оправдува со некои важни модификации на погонот.
Оваа верзија има 65 КС, односно повеќе од 45 КС на единствената достапна верзија досега. Помоќниот мотор значи и нов менувач, а сето тоа носи значително подобрување во перформансите.
Од друга страна, батеријата остана иста 26,8 kWh, што носи 220 км автономија во микс и 305 км во градски услови. Досегот во мешаниот циклус падна за 5 километри, но во град скокна за 10 километри.
Обновената верзија ќе ја препознаете по новата нијанса на сина боја, деталите во бронзена боја и новите ознаки на брендот на задната страна. Во кабината промените се уште помалку видливи, носејќи само малку повеќе опрема и нов модел на ткаенина.
Dacia Spring Extreme на францускиот пазар се нуди од 17 јануари, а цената е 22.300 евра. Првите испораки почнуваат напролет.