Еден од најголемите произведувачи на кондоми, CPR отиде во стечај откако ескалираа проблемите со наплата на нивните производи во Русија.
Фирмата пролетва објави дека има финансиски проблеми, а според претходните извештаи се најде под притисок поради девизни проблеми и проблеми со наплата со дејствувањето во Русија, откако почна војната во Украина и санкциите во оваа земја.
Фирмата CPR извезуваше кондоми во различни земји, во средината на 2020 година имаше производство до 200 милиони кондоми годишно. Од тоа, околу 15% остануваа во Германија.
Во Франција во текот на пандемијата со коронавирусот дојде до недостиг на кондоми од оваа фирма, а истото се случи и во Германија на почетокот на пандемијата. Побарувачката во онлајн трговијата е во пораст.
Според шефот на CPR, Михаел Кесекринг, фирмата не може да продолжи со работа, а инвеститорите кои биле заинтересирани по отворање на стечајот не дале никакви понуди за преземање.
Околу 80 работници веќе се отпуштени од работа. Фирмата е основана во 1987 година и долго време важеше за најголем произведувач на кондоми во Европа. Ги произведуваше и машините и лабораториската опрема потребна за производство на висококвалитетни кондоми.
