Вашингтон, 1 декември 2019 (МИА) – Најмалку девет лица загинаа, а тројца се повредени во пад на авион во американската сојузна држава Јужна Дакота, соопштија денеска локалните власти.
Авионот со 12 патници се урнал веднаш по полетувањето од аеродромот во градот Чеjмбрлен.
Малиот авион бил на пат кон Ајдахо Фолс, во сојузната државата Ајдахо.
Локалните медиуми јавија дека во времето на полетувањето на авионот во Чембрлен во сила било предупредување за зимско невреме.
Властите соопштија дека лошото време ќе биде еден од факторите што ќе се испита, но причината за несреќата сè уште не е позната.