Повеќето луѓе не добиваат доволно витамин Д. Анализа од 2018 година објавен во списанието Cureus покажа дека 41,6% од возрасните во САД имаат недостаток на овој важен витамин. Ова е прилично загрижувачки со оглед на тоа што витаминот Д игра толку важна улога во одржувањето на силни и здрави коски, а неговиот недостаток може да предизвика симптоми како што се мускулна слабост, болки во коските и промени во расположението.
Многу луѓе игнорираат еден од знаците дека не добиваат доволно од оваа хранлива материја. Според експертите, недостатокот на витамин Д може да го оштети нивото на енергија. Така, доколку забележите дека се чувствувате поуморно од вообичаено, без разлика колку сте спиеле, можеби виновникот е ниското ниво на витамин Д.
„Некои симптоми на недостаток на витамин Д често се мешаат со симптоми на други состојби. Хроничниот замор поврзан со недостаток на витамин Д може да се замени со замор поврзан со стареење или стрес. Олеснувањето што човекот го чувствува кога го подобрува нивото на витамин Д е изненадувачки“, објансува нутриционистката Триста Бест говорејќи за Eat This.
Неколку истражувања покажаа дека постои врска помеѓу ниските нивоа на витамин Д во крвта и заморот. Не само тоа, туку една студија од 2014 година објавена во северноамерикански весник за медицински науки покажа дека симптомите на замор значително се подобриле откако нивото на витамин Д кај пациентите било нормализирано со додатоци во исхраната. Друга студија од 2016 година покажа дека подобрувањето на резултатите од заморот на учесниците е директно поврзано со зголемувањето на нивото на витамин Д.
Препорачаниот додаток на витамин Д за повеќето возрасни е околу 600 меѓународни единици (IU). Витаминот Д може да се добие од храна (жолчки од јајце, масна риба, црвено месо и житарки) или едноставно со изложување на сонце.
