Ешли Греам, најпознатата plus size манекенка, стана мајка.
Ешли и нејзиниот сопруг Џастин Ервин во саботата станаа родители, а гордата мајка ја сподели радосната вест на Instagram.
„Во шест часот попладнето во саботата, нашите животи се сменија на подобро, ви влагодарам на сите за љубовта и поддршката во овој неверојатен период“, напиша Ешли.
Лани во август таа соопшти дека е бремена, а во ноември откри дека носи машко.
Интересен податок за двојката е дека пред да стапат во брак пред девет години, Ешли и Џастин живееја во целибат за да си ја потврдат довербата еден во друг.
Ешли Греам е најпознатата манекенка со облини која ги менува стандардите во модната индустрија и е активистка за инклузивност на жените со различни типови на тело. Таа исто така е гласен поборник за сакање и прифаќање на сопственото тело и борба против стереотипите.
