Виетнам се подготвува за тајфунот Доксури, за кој се очекува да биде најсилниот тропски циклон во таа земја во изминатите неколку години.
Доксури е таканаречена „тропска депресија“, со послаб интензитет, во вторникот ги погоди Филипините, каде загинаа најмалку четири лица, а уште шест се водат како исчезнати. Потоа прерасна во тајфун со максимална брзина на ветрот од 135 километри на час и налети на ветрот до 185 километри на час.
Се очекува утре да го погоди централниот дел од Виетнам, според податоците од виетнамскиот метеоролошки центар. Метеоролозите предупредуваат на обилни врнежи, поплави и лизгања на земјиштето во централните и северните делови од земјата.
Во регионите изложени на опасности, наредена е евакуација, а рибарски, транспортни и туристички бродови ќе бидат тргнати на безбедно место. Десетина летови се откажани, поради невремето.
Со 93 милиони жители, Виетнам, често е погоден од поплави и бури кои секоја година одзема стотина животи.
