Во Израел се изработува најскапата маска против коронавирусот, почетната цена е 1,5 милиони долари.
Станува збор за 18-каратна маска од бело злато украсена со 3.600 бели и црни дијаманти, опремена со ефикасни N99 филтри, по барање на купувачот.
Компанијата Yven треба да исполни две барања на клиентот – маската да биде завршена до крајот на годината и да биде најскапа во светот. Не е познат идентитетот на купувачот, но станува збор за кинески бизнисмен кој живее во САД.
Маската ќе тежи 270 грама што значи дека е потешка скоро 100 пати од типичната заштитна маска и веројатно нема да биде практична за носење. Сопственикот на златарницата што ја изработува маската, Исак Леви, вели дека е многу среќен со оваа нарачка, маската им овозможила доволно работа на вработените и тоа ќе им овозможи заштита на работните места во овие тешки времиња на предизвици, пренесе AP.
