Резултатите од истражување на Универзитетот Харвард покажаа дека најсреќните луѓе, кои често се и најздрави, имаат изградено квалитетни односи со семејството, пријателите и пошироката заедница.
Истражувањето исто така покажа дека изолацијата и самотијата се штетни по психичкото здравје на луѓето.
Ова истражување на престижниот универзитет почнало пред 77 години и во него биле опфатени истражувања за поврзаноста меѓу здравјето и чувството на среќа, а се покажало дека за повисоко ниво на среќа важен е квалитетот на односите, а не квантитетот.
„Може да бидете опкружени со многу луѓе, да бидете во брак, сами, осамени и изолирани. Како и да е, нашето истражување покажа дека самотијата е штетна“, вели професор Роберт Валдингер, водач на истражувањето.
Тој нагласува дека досегашните резултати од истражувањето на Харвард покажале дека најсреќните луѓе имаат изградено квалитетни односи со сите, а најважно од сѐ, со членовите на семејството и со пријателите.
Тој истакнува дека квалитетните односи, во кои луѓето може да се потпрат на другите во случај на потреба, во голема мера го зголемуваат нивото на среќа и ги прават луѓето поостроумни.
